Relasch Jon Semadeni

Inventari dal relasch Jon Semadeni conservà a l'Archiv svizzer da litteratura



Inventari elavurà dad Annetta Ganzoni, preparaziun xml dad Aline Delacrétaz








Archiv svizzer da litteratura

Hallwylstrasse 15
CH-3003 Berna


Adressa e-mail : arch.lit@nb.admin.ch





Riassunt dal relasch

Autur/Origin : Jon Semadeni (1910-1981)
Titel : Relasch Jon Semadeni
Datas extremas dals documaints : 1941/2003
Riassunt : Il relasch cuntegna manuscrits, tiposcrits, lavuors litteraras e schurnalisticas, differents materials chi pertoccan las ouvras, ediziuns e traducziuns, correspundenzas, documaints da vita ed üna documentaziun da pressa da las ouvras e da la lavur culturala da l'autur.
Collaziun : 31 s-chaclas
Signatura : ASL Semadeni

Jon Semadeni, Our dal film televisiv Il chapè, 1974

Biografia da Jon Semadeni

Jon Semadeni es naschü ils 30 mai 1910 a Vnà, ingio ch'el ha passantà infanzia e giuventüna. Quist cumünet pauril cun sia "cumünanza da lavur e da festa" es restà il lö da partenza per üna gronda part da l'ouvra. Semadeni ha lavurà sco magister primar e magister secundar. Per approfundir seis stüdis es el stat dasper la furmaziun a Turich eir a las universitats da Genevra, Paris e Siena. El ha dat scoula in differents lös in Grischun, a Ziran, Andeer e Scuol, a Samedan e Zuoz. El ha maridà a Mengia Demarmels da Scuol ed els han gnü quatter uffants. Mengia Semadeni ha accumpagnà e promovü in maniera decisiva la lavur teatrala e litterara da Jon Semadeni ed ha fat dad editura per diversas da sias ouvras. Semadeni est stat fundatur e manader da La Culissa – la prüma gruppa da teater ambulanta in Grischun – chi ha lavurà in differentas constellaziuns dal 1945 fin al 1978. Ils collavuraturs ils plü prominents da La Culissa sun stats Men Rauch e Cla Biert, cun els ha'l Semadeni scrit eir ils duos programs da cabaret La panaglia e La travaglia dal docter Panaglia. Illa lavur da teater s'ha Semadeni profilà sco actur, sco redschissur e sco autur da blers tocs teater e gös auditivs, el es stat ün important innovatur dal teater rumantsch. Sia creatività es gnüda arcugnuschüda eir cun differents premis a livel naziunal. Ils tocs da Semadeni s'occupan per gronda part da problems politics actuals illa società dal temp. Seis protagonists sun cunfruntats cun la dumonda, chenünas da las valuors dad üna società seculara da paurs ed emigrants chi sun amo importantas in lur temp e stöglian gnir integradas in la cuntinuaziun, els han da's decider scha dessan seguir ad ambiziuns professiunalas ed a la seducziun dals raps chi maina a speculaziun da terrains ed auas. Quistas tematicas prevalan eir aint ill'ouvra tardiva da Semadeni, las duos lavuors in prosa La Jürada ed Il giat cotschen, remarchadas specialmaing per lur aspets fuormals chi han dat ün accent innovativ a la litteratura rumantscha. Jon Semadeni es mort a Samedan dal 1981.

Bibliografia

Per üna survista detagliada da la ouvras, in special eir da lavuors per radio e televisiun, cfr. il register commentà da Jacques Guidon in: Jon Semadeni, Ouvras dramaticas, 1980.

DRAMATICA

Las datas indichadas as referischan al mumaint dal scriver ils tocs – chi in seguit sun per gronda part gnüts publichats illas Annalas ed illa Scena e pü tard illas Ouvras dramaticas.

- Famiglia Rubar, 1941
- Chispar Rentsch, 1944
- Il pövel cumanda, 1945
- La s-chürdüm dal sulai, 1949/1950
- La Panaglia, 1951 Cabaret scrit insembel cun Men Rauch e Cla Biert
- La travaglia dal docter Panaglia, 1954 Cabaret scrit insembel cun Men Rauch e Cla Biert
- Ün quader chi nu quadra, 1957
- Il bal da la schocca cotschna, 1959
- Il sot cun la mort, 1962
- L'uman derschader, 1961
- Battacour e battaporta, 1971
- Il chapè, 1973
- La guerra da las giallinas, 1974
- Il figl pers, 1978
- Ouvras dramaticas, Samedan, 1980

PROSA

- San Flurin da Ramosch, in: Il Cuolmen, 1947
- Inscunter cul passà, in: Chalender ladin, 1964
- La jürada, Tusan, 1967
- Il giat cotschen, Samedan, 1980
- Die rote Katze / Il giat cotschen, Zürich, 1998

TRADUCZIUNS

- L'avar, cumedgia suainter J.B. Molière in: Annalas SR, 1931
- Il lai da Gers, seguaint üna novella da Rodolphe Töpffer, Chasa Paterna, 1928
- Ils frars Taverna, drama suainter Max Hansen, Lia Rumantscha, 1948

Infurmaziuns administrativas

Access

Consultaziun exclusivamaing illa sala da lectüra da l'ASL. La consultaziun es limitada per motivs da dret d'autur e da personalità.

Ütilisaziun

Il relasch da Jon Semadeni es accessibel cun agüd da l'inventari disponibel a l'ASL.


Citaziun

Archiv svizzer da litteratura (ASL). Relasch Jon Semadeni.

Acquisiziun dal relasch da Jon Semadeni

Dal 1993 ha l'ASL cumprà da la famiglia il relasch litterar da Jon Semadeni.

Valurisaziun dal relasch

Dürant il 1993 ha Mengia Semadeni ordinà il relasch da seis hom ed ün prüm inventari da survista es gnü fat davo l'arriv dals materials a Berna. Davo differentas lavuors e l'agiunta da nouvs documaints surdats dürant ils ultims ons ed integrats per gronda part sainza ulteriuras indicaziuns, as haja sistematisà las scrittüras ed approfundi e precisà l'inventari. Cun quai cha il relasch es i tras divers mans e chi's ha fat adüna be ils müdamaints necessaris, restan tschertas incoerenzas linguisticas tanter tudais-ch e rumantsch e las signaturas chi nu correspuondan daltuot a quellas actualmaing dovradas a l'ASL. La gronda part da la correspundenza chi reguarda las ouvras as rechatta, insembel cun las criticas, directamaing pro'l material da las ouvras respectivas illa secziun A dal relasch. Il rest da la correspundenza es ordinà in uorden alfabetic dals noms da correspundentas e correspundents u tenor convoluts tematics illa secziun B. Per quai chi reguarda la conservaziun esa stat pussibel da copchar bindels, cassettas e films avant man sün portaders d'infurmaziun actuals, uschè cha quists documaints sonors sun accessibels al public davent da l'ASL. Berna, in schner 2006.

Scurznidas

J. S. Jon Semadeni
M. S. Mengia Semadeni
Corr. Correctura
Corresp. Correspundenza
Cump. Cumparü
Ds Dactiloscrit / tiposcrit
Ital. Italian
Ms Manuscrit
Publ. Publicaziun
Rap. Rapreschantà
Rum. Rumantsch
s.d. Sainza data
s.l. Sainza lö
Trad. Traducziun
Tud. Tudais-ch

Cuntgnü

A Ouvras
A.0 Poesia
A.1 Drama
A.1.1 Famiglia Rubar
A.1.2 Chispar Rentsch
A.1.3 Il pövel cumanda
A.1.4 La s-chürdüm dal sulai, 1949/50
A.1.5 Ün quader chi nu quadra
A.1.6 Il bal da la schocca cotschna
A.1.7 Il sot cun la mort
A.1.8 L'uman derschader
A.1.9 Battacour e battaporta
A.1.10 Il chapè
A.1.11 La guerra da las giallinas
A.1.12 Il figl pers
A.1.13 Our da la cronica d'ün cumün engiadinais - Aus der Chronik eines Engadiner Dorfes
A.1.14 Hü Brün
A.1.15 Che pover muond
A.1.16 Üna burla d'ün pêr minuts
A.1.17 Ouvras dramaticas: preparaziun da l'ediziun
A.1.18 Ouvras Dramaticas: binderas da stampa
A.1.19 Ouvras Dramaticas: preavis e recensiuns
A.1.20 Agiunta Paul König 2007
A.2 Cabaret
A.2.1 La Panaglia
A.2.2 La travaglia dal docter Panaglia
A.3 Gös auditivs
A.4 Traducziuns ed elavuraziuns dramaticas
A.5 Texts per emischiuns radiofonicas
A.6 Films televisivs da e cun Jon Semadeni
A.7 Gös festals / Festspiele
A.8 Prosa
A.8.1 San Flurin da Ramosch
A.8.2 Il cuolmen da Fenga
A.8.3 Tumasch
A.8.4 Il muglin da Chispar
A.8.5 Jaquen Lona
A.8.6 Inscunter cul passà
A.8.7 La Jürada
A.8.8 La dumengia da Vnà
A.8.9 Svoul aint in l'univers
A.8.10 Il giat cotschen
A.9 Lavuors redacziunalas
A.10 Artichels e referats
A.10.1 Teater e gö auditiv
A.10.2 Teater e scoula
A.10.3 Litteratura ed educaziun
A.10.4 Sur dal rumantsch
A.10.5 Temas filosofics
A.10.6 Artichels aint il Chardun
A.10.7 Artichels aint il Fögl Ladin
A.10.8 Artichel aint in Heimatleben
A.10.9 Ulteriur artichel
A.10.10 Necrolog
B Correspundenza
B.1 Correspundenza da las ouvras
B.1.1 Ouvras dramaticas
B.1.2 Il giat cotschen
B.2 Convoluts
B.2.1 Reacziuns ad emischiuns radiofonicas
B.2.2 Radio Rumantsch ed SRG
B.2.3 Lingua rumantscha
B.2.4 Simposi Die vier Literaturen der Schweiz
B.2.5 Rapreschantaziuns, dietas
B.2.6 Andri Peer
B.2.7 Correspundenza privata
B.2.8 Drets d'autur
B.3 Condolentschas
B.3 Chartas da condolentscha
C Documaints da vita
C.1 Documaints privats e professiunals
C.1.1. Palperis persunals
C.1.2 Attests medicinals
C.1.3 Attestats, diploms e documaints da lavur
C.1.4 Documaints civils e militars
C.1.5 Divers documaints
C.1.6. Attest da cremaziun
C.1.7 Premis
C.1.8 Memoria alla confirmaziun
C.2 Ogets persunals
C.3 Material fotografic
C.3.1 Vita privata
C.3.2 Teater e cabaret
C.3.3 Fotografias
D Collecziuns
D.1 Ediziuns
D.1.1 La Jürada / Der Bannwald
D.1.2 Ouvras dramaticas
D.1.3 Il giat cotschen
D.1.4 La scena
D.1.5 Annalas
D.1.6 Chalender ladin
D.1.7 Separats dad Ouvras dramaticas
D.1.8 Meis giarsunadi a Ziran
D.1.9 La ghera dallas gaglinas
D.1.10 Collecziun
D.2 Documentaziun da vita ed ouvra
D.2.0 Biografia
D.2.1 La Culissa, "aigna" gruppa da teater
D.2.2 Jon Semadeni e sia ouvra
D.2.3 Documentaziuns diversas
D.2.4 Elavuraziuns dal relasch
D.3 Documaints audiovisuals
D.3 Bindels
D.3 Cassettas radiofonicas
D.3 Copchas sün CD-Rom master
D.3 Films e videos
D.4 Expo 1964
D.4.1 Organisaziun
D.4.2 Vuschs d'orchester