|
|
|
Biografia
Clo Duri Bezzola es naschü dal 1945 e creschü sü a Scuol. Davo il diplom da magister secundar ha Clo Duri Bezzola instrui
sco magister secundar a San Murezzan ed ad Oetwil am See (ZH), ingio ch'el ha vivü cun sia famiglia. El es mort dal 2004 a
Männedorf. Dasper la scoula s'ha Bezzola fuormà in teater e scriver creativ, el ha giovà a teater surtuot cun scolaras e scolars
ed ha dat cuors da scriver a creschüts e giuvenils. A partir dal 1970 s'ha el ingaschà per la litteratura e cultura rumantscha
ed es stat activ in divers gremis, tanter oter sco confundatur e redactur da la revista Litteratura, sco president da l'Uniun da scripturas e scripturs rumantschs USR e sco confundatur dals Dis da litteratura a Domat. Sün
plan naziunal es Bezzola stat suprastant da l'Uniun da scripturas e da scripturs svizzers e commember dal Cussagl da fundaziun
da la Pro Helvetia.
Clo Duri Bezzola ha publichà lirica, prosa e dramatica in rumantsch e tudais-ch, tanter oter Our per la romma (1978), Zwischenzeit (1996) e Das gestohlene Blau / Il blau engulà (1998). Per sia lavur litterara e teatrala ha el survgnü divers premis importants. Bezzola ha miss ün accent special sün
las tematicas pedagogia da sclerimaint e politica, quai chi l'ha fat resortir sco prüm exponent da la generaziun dal 1968
illa litteratura rumantscha.
|
|
|
 |
|
Clo Duri Bezzola a Londra, 2000. Fotografia Suzie Maeder ©, http://www.suziemaeder.com
|
|
Dimensiun e cuntgnü dals documaints
Il relasch litterar da Clo Duri Bezzola cumpiglia las lavuors preliminaras per sias ouvras, artichels e referats, la correspondenza
litterara, fotografias e documaints audiovisuals sco eir üna documentaziun da stampa da vita ed ouvra.
http://www.suziemaeder.com
http://nbn-resolving.de/urn/resolver.pl?urn=urn:nbn:ch:bel-48544
Infurmaziuns administrativas
Access
Consultaziun be illa sala da lectüra da l'ASL. Restricziuns surtuot per motivs da la protecziun dals drets d'autur e da persunalità.
Acquisiziun
Donaziun da la famiglia da Clo Duri Bezzola
Valurisaziun
Quist inventari online es gnü generà our da la banca da datas HelveticArchives. El as differenzchescha dals inventaris online «normals» surtuot in duos puncts: la data vain indichada cun puncts (invezza
da la lingetta) ed i dà, our da motivs da structura, daplü indicaziuns aint il chomp da las remarchas. In lur cuntgnü sun
las duos fuormas d’inventar però identicas.
