|
|
|
|
|
|
 |
|
Alexander Lozza fotografà da Max Meerkämper, (c) Foto Meerkämper Davos
|
|
Biografia
Alexander Constantin Lozza (29.6.1880-13.2.1953) è naschì a Castiet/ Marmorera, nua che el è creschì si sco dudeschavel uffant
dad ina famiglia da purs. Cun quindesch onns è el partì per l'Italia ed ha passentà ses studis, ses noviziat e ses emprims
onns sco pader tals caputschins da Genova e conturns. En quests onns ha el emprendì a conuscher er la gronda "malancuneia",
in sentiment che l'ha accumpognà en sia lavur litterara. Dal 1906 è Lozza turnà en Grischun, ha pastorà a Vaz e Tumegl. Davent
dal 1919 è el stà per trent'onns plevon a Salouf e custos dal sanctuari da Ziteil sin 2400 m sut il Piz Curvèr. Pader Alexander
Lozza sto esser stà in oratur fascinont ed ina persuna cun in grond cor per ses conumans. Dal 1949 s'ha el retratg ord motivs
d'etad e sanadad a l'Ospizi da Casti, nua che el ha vivì durant ses ultims onns.
Già en scola a Murmarera veva Lozza emprendì talian e sia via da furmaziun l'ha manà – sper las lecturas classicas ed ecclesiasticas
– surtut vers la litteratura taliana. Sco student e giuven muntg scriveva el sper las brevs er poesias en talian. Pir vers
ils tschinquanta s'ha el laschà persvader da scriver en rumantsch, dapi il 1928 ha el publitgà novellas, dramas e poesias
en sia lingua materna surtut en Noss Sulom. En si'ovra litterara s'occuppa Alexander Lozza da temas religius e patriotic-istorics, ma avant tut è el stà in attent observatur
da la natira e da la populaziun da sia val. Ses tocs teater rapreschantads a Ziteil han gì in ressun impurtont. L'amur per
la regiun s'ha exprimida er en la defaisa da la vischnanca da Marmorera sfundrada en il lai da fermada l'onn 1954.
Cun l'emprim premi en la concurrenza per in nov imni naziunal per Crousch alva sen fons cotschen dal 1936 ed il Premi Schiller dal 1940 ha Alexander Lozza retschavì approvaziuns er surregiunalas per sia lavur litterara.
Bibliografia
|
|
| - |
Ziteil : Flours segls ours da la veia - Blumen am Wegrand. Gedichte, St. Gallen, Tschudy-Verlag, 1951 Ediziun e traducziuns en tudestg da Leza Uffer
|
| - |
Poesias, Salouf, ed. Duri Loza, 1954
|
| - |
Prosa, Salouf, ed. Duri Loza, 1961
|
| - |
Faust Signorell, L'appariziun da Nossadonna a Ziteil, dramatisada an 5 acts, in: sep. Calender Surmiran 1980, red.
|
| - |
Duri Loza (ed.), Raquints an rumantsch da Murmarera, Salouf, Cumegn da Murmarera, 1980
|
| - |
Wollen wir eine neue Nationalhymne?, in: Schweizer Illustrierte Zeitung |
En traducziun
|
|
| - |
Igl det da Dia, prosa e poesia da Pader Alexander Lozza, in: Il Tschespet, 32/ 1953, per sursilvan da Alexi Decurtins
|
Critica
|
|
| - |
Ambros Sonder, L'ovra poetica da P. Alexander Lozza, in: Radioscola, IV / 1959, 2. cudesch
|
| - |
Gion Peder Thöni, Avant 25 onns è mort Pader Alexander Lozza, in: Radioscola 1978, 4. cudesch [nr. 6]
|
| - |
Franz Capeder e.a., Pader Alexander Lozza, 1880-1953, Riom, 1980
|
| - |
Gion Peder Thöni, Igls caputschins a Salouf, Riehen, ed. da l'autur 2000 (ed. giubilara segl 80avel anniversari da ser Duri Loza)
|
| - |
Duri Loza, 400 ons pelegrinadi a Ziteil, 1979 / 400 Jahre Wallfahrt nach Ziteil, 1980
|
Infurmaziuns administrativas
Access
Consultaziun exclusivamain illa sala da lectura da l'ASL. La consultaziun è limitada per motivs da dret d'autur e da persunalitad.
Utilisaziun
Il relasch dad Alexander Lozza è accessibel tras l'inventari disponibel a l'ASL.
Citaziun
Archiv svizzer da litteratura (ASL). Relasch Alexander Lozza.
Acquisiziun
Il relasch parzial dad Alexander Lozza è vegnì regalà dal 2002 a l'ASL dal nev ed editur Duri Loza.
Ulteriurs documents da e sur dad Alexander Lozza èn da chattar en il Provinzarchiv Schweizer Kapuziner a Lucerna, da contactar
tras www.kapuziner.ch.
Valurisaziun
Il relasch è vegnì ordina e catalogà dad Annetta Ganzoni (stadi favrer 2006).
Abreviaziuns
|
|
| ds |
dactiloscrit/ tiposcrit |
| ed |
ediziun/ editur |
| ms |
manuscrit |
| s.d. |
senza data |
| s.l. |
senza lieu |
| s.n. |
senza num |
| trad. |
traducziun |
